منتديات الحوراء زينب

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي




 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 آه يبني الدهر ذبني ******** يا الأكبر يبني مني أتروح / بين الأكبر والحسين / بقلمي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو جعفر الصادق
*************
*************


عدد المساهمات : 4
نقاط : 12
تاريخ التسجيل : 22/11/2012
mms

مُساهمةموضوع: آه يبني الدهر ذبني ******** يا الأكبر يبني مني أتروح / بين الأكبر والحسين / بقلمي   الخميس نوفمبر 22, 2012 7:45 am


خادم أهل البيت وسام خضير الكلابي
ــــــــــــــــــــــــــــــــــــــــــــــــــ ـ

آه يبني الدهر ذبني ******** يا الأكبر يبني مني أتروح

******************************
عزيزه دمعتك يحـــــسين ///// ترخصهه العلــــي وتــسيل
يشبه المصطفــــى اتگله ///// يابـــدر بــــــــسواد اللــــيل
فراگك ياعلـــــــي يصعب ///// يلبيـك الهمـــــــــــوم اتزيل
بياحيل الأودعـــــــــك بيه /////بفــراگك هدمــــــــت الحـيل
يصيواني اوعمـود البيت ///// وتــروح العمـــــود ايميـــل

وسف يبني تفارگني **** يا الأكبر يبني مني أتروح

**************************************
بــهل موقـف أبــــــو اليمه ///// يــــــودع ضنوتــه الأكـبر
وداع الوالــــــد الملهــوف ///// وگـف أگبالـــه واتــــــحير
يگلــه ويســــــچب الدمعه ///// أو نيران الگلــــب تـــسعر
يــــعز يبني عليه أتـــروح ///// أشـــلون أخلافـــك أتــصبر
أشـلون ومن تصـــد عيني ///// واشـــــوفك يبنــي مطــبر

أو لمن يبني تودعني **** أحسهه مفارگتني الروح

**********************************
يـطيب خاطــــــــره الأكبر ///// ويتبســــم أبوجه حــسين
على ســـــيرة نبــي الأمة ///// يبــو اليمـه نضل ماشــين
نمـوت أو ما رضينه أبذل ///// وما همنـــي المنيـه اتحين
لآجــلك ترخـص الأرواح ///// ونضحيهه الأجــل هالـدين
ضمه الصدره أبــو اليمه ///// وتتهامــــل دمـــوع العـين

علي يبني اشيصبرني **** يگله والدمع مسفوح

*************************
نــــزل للمعركـــــه الأكـبر ///// عگــب ما ودعــــاه أو سار
مثل جــــده يصول اليـوم ///// زوده من علـــــــي الكــرار
تحـــزم بالمنيـه يجـــــول ///// وبچفوفـــــه حمـل لقــــــدار
يحارب ضنـــوة الطيبين ///// وبجبـده العطــــــش مـن نار
للأكـــبر يصــــد حســـين ///// يشـــــوفه ابوليت الأشـــرار

علي يبني ثگل حزني **** وبعينه الكدر ايلوح

******************************
رجــــــــع لمخيمه ويصيح ///// يبــــو اليمه انفطــــر جبـدي
نيران العطـــــش بحــشاي ///// بـــس هالمطلــــــب العنـدي
يبويه اسگيني شــربة ماي ///// وارجـــع للحرب وحـــــدي
حســــــــين يجاوبه بدموع ///// لــــــو بس الدمــــــع يجدي
صابــــــر وحتسب يبنـــي ///// يرويــــــك النبـــــي جـــدي

آه يبني كثر وني ***** أبو اليمه يون وينوح

************************************
رد للمعركـــــــه الأكــبر ///// وبحســــــــــرة لذيــذ الماي
وعيـون الأبــــــو تربـي ///// يشــــــــاهد هالمناظـر هاي
يشــــوفه والعــده توليه ///// حايــــر ونشـــــــده بالـراي
يعايــن بس نبـل ورماح ///// والصوبـــــه گصــد عنــاي
العفه عالدنيـــه يوليدي ///// بعــدك أشـــــــتظن أرجـاي

بسهم يبني تصوبني ***** اشوفك عالأرض مذبوح
****************************
گعــد يمه أوحنــــه ظهره ///// يشــمه أشـــمحله أطيابـه
علي يبني يصيح حــسين ///// وبيـده أيـــــدور اصــوابه
يشــوفه امخضب امطبر ///// ونــــــــار ابگلــــبه لهابـه
عسن هالطف أبد ماجيت ///// واشــــــوفك يبنـي بـترابه
على الأكبر يهــــل دمعه ////// ويحن الحرگــت امصابــه

علي يبني تشيبني **** يحن يم جسمه المطروح

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
آه يبني الدهر ذبني ******** يا الأكبر يبني مني أتروح / بين الأكبر والحسين / بقلمي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الحوراء زينب :: °ˆ~*¤®§(*§المنتديات الأدبيه §§®¤*~ˆ° :: حوراء الشعر الحسيني-
انتقل الى: