جاسم هالطفت شمعت شبابه ... من دم النحر صاير اخضابه

جاسم هالطفت شمعت شبابه ... من دم النحر صاير اخضابه
رمله تون وتنوح .......... ماينفــع بچـاها ( گعديه )
ــــــــــــــــــــــــــــــــــــــــــ
فرفحت رمله من الألـــــم ............ والگلب مليان حسره
شـاهدت جاسم مخضب ............. والجسم كل كتر طبره
حقها بس واحـــد العدهه ..............والگلب شنهوأليصبره
أتصيح والمدمع همل ... يوليدي چـن ضاع الأمل ... مجتمعه تدريهه الأهل
.....والعرس يبني تنينه.......

لن الخبر يوليدي لفاني ........ عوفو حنته وشيلو الصواني
جمر الدمع مسفوح ......... ماينفــع بچـاها
ــــــــــــــــــــــــــــــــ
أرباك يبني الهدم حيلي ........والظهر فوگك حنيته
محنيه تدري عالمهد .........والليل يبني الساهريته
واليوم أجتني كربله...........أفراگك أبد ماحسبيته
ماأدري ببيك آنه أنفجع .. ودلالي جسام أنصدع.. يوم أسود بينه من طلع
...... الحادي والطف أعتنينه ......

نارأجفاك مستعره بدليلي........وحالي أشلون من يلفيني ليلي
ونحرك يبني مذبوح .......... ماينفــع بچـاها
ــــــــــــــــــــــــــــــــــــ
بلـوتي يبني چـبيره ......... واحد وما عندي ثاني
أنته يازهرة حياتي ......... وأعقــدت بيك الأماني
أبكربله غابت انجومك ..........والدهر بيك أبتلاني
متأمله يبني زفتك .... وانصب يجاسم حوفتك ..... بسهام المنية صابتك
........... وفارگنه يوليدي زماني....

مايحمل تره گلبي المصيبه ..... يوليدي منك شح نصيبه
طيفك بس بقه أيلوح ... ما ينفــع بچـاها
ــــــــــــــــــــــــــــــــــ
مذهوله رمله من المصيبه ..... وچــن جمعت كل الحرم
أنهض الأمك يجاسم .......... صاحت أبحرگتها أو ألم
الجيش يبني لو سبانا .......... ولمـــن يحرگون الخيم
أشلون أبقه أمحيره ..... وتدريني يبني امخدره ..... ما أرضه منك معذره
....... وأنته والينه اليحامي ....

گوم حامينه يالوالي .... منك ما أظن خابت آمالي
بيك أمعلگه الروح ........ ما ينفع بچـاها